Google Swiffy ឧបករណ៍​បម្លែង​ឯកសារ SWF ទៅ​ជា HTML5

កាល​ពី​ថ្ងៃ​អង្គារ​នេះ Google បាន​ចាប់​បើក​ដំណើរ​ការ​ឧបករណ៍​ថ្មី​មួយ​មាន​ឈ្មោះ​ថា Swiffy ដែល​អាច​បម្លែង​ឯកសារ SWF ទៅ​ជា HTML5 បាន។ ឧបករណ៍​នេះ​អាច​ជួយ​ឲ្យ​ម៉ាស៊ីន (device) មួយ​ចំនួន​អាច​បើក​មើល Flash បាន ដូច​ជា៖ iPad និង iPhone (iOS មិន​ស្គាល់​ឯកសារ SWF ឡើយ)។

Swiffy មិន​អាច​បម្លែង​រាល់​ឯកសារ SWF នៅ​ក្នុង​វ៉ិបសៃថ៍​ណា​មួយ​បាន​ទេ តែ Swiffy អាច​ធ្វើ​ការ​បម្លែងឯកសារ SWF ណា​មួយ​ដែល​យើង​ធ្វើ​ការ​ផ្ទុក​ឡើង​នៅ​ក្នុង​ទំព័រ​ឧបករណ៍ Swiffy។ ក្រោយ​ពី​បម្លែង​រួច​ ឯកសារ HTML5 នោះ​នឹង​មាន​ទំហំ​ធំ​ជាង​ឯកសារ SWF ដើម ប្រហែល ១០% ប៉ុណ្ណោះ។ អ្នក​ក៏​អាច​មើល​នូវ​ឧទាហរណ៍​មួយ​ចំនួន​បាន​ដែរ​នៅ ទីនេះ។ ការ​បម្លែង​អាច​ធ្វើ​ទៅ​បាន​នៅ​លើ កម្មវិធី​រុក​រក​អ៊ីនធ័រណិត មួយ​ចំនួន​ដែល​ស្គាល់ SVG កម្រិត​ខ្ពស់ ដូច​ជា៖ Chrome និង Safari។

របៀប​បម្លែង

ជា​ដំបូង​សូម​ចូល​ទៅ​កាន់ http://swiffy.googlelabs.com/

សូម​រើស​ឯកសារ swf មួយ​បន្ទាប់​មក​ធីក​យក

Important: I understand that I may not convert content unless I have the right to do so. Uploading content that I do not have the right to convert into HTML5 is a violation of copyright law and against the terms of service. ។

ចុង​ក្រោយ​ចុច​លើ​ប៊ូតុង Upload and convert។ ពេល​នោះ​លទ្ធផល​នឹង​បង្ហាញ​នៅ​ខាង​ក្រោម។