DoudouLinux លីនុចសម្រាប់ក្មេងៗ

27 July, 2011

—

DoudouLinux (ឌូឌូ) គឺជាប្រព័ន្ធប្រតិបត្តិការលីនុចដែលបង្កើតឡើងសម្រាប់ក្មេងៗ។ ជាមួយនឹង ឌូឌូលីនុច ផ្តល់ភាពងាយស្រួលសម្រាប់ក្មេងដែលចាប់ផ្តើមរៀនកុំព្យូទ័រដំបូង ។ ឌូឌូគឺជាគម្រោងកំណែទី ១ ដែលកូដរបស់វាមានឈ្មោះថា “Gondwana” ដែលមានភ្ជាប់មកជាមួយ កម្មវិធីនានា សម្រាប់ក្មេងចាប់ពីអាយុ២ឆ្នាំរហូតដល់១២ឆ្នាំ ដែលអនុញ្ញាតអោយពួកគេរៀន និងលេងហ្គេមកម្សាន្ត ដោយពុំចាំបាច់អោយឪពុកម្តាយឃ្លាំមើលជាញឹកញាប់ឡើយ។ ឌូឌូលីនុច ក៏មាននូវលក្ខណៈពិសេសមួយទៀត ដែលអាចឲ្យកូនៗរបស់អ្នក ជៀសផុតពីគេហទំព័រមិនសមគួរ មួយចំនួនផងដែរ។

ប្រភេទកម្មវិធីដែលមាននៅក្នុង DoudouLinux

ប្រភេទកម្មវិធីដែលមានភ្ជាប់មកជាមួយស្រាប់នោះ មានដូចជា៖

ការសិក្សាអប់រំ៖ ជាកម្មវិធបង្រៀនដល់ក្មេងៗ ប្រកបទៅដោយភាពសប្បាយរីករាយ
ការសកម្សាន្ត៖ មានកម្មវិធីលេងកម្សាន្តនានា
កិច្ចការ៖ ការសរសេរអត្ថបទ, គណិតវិទ្យា, ការទំនាក់ទំនង, ។ល។
ពហុកម្សាន្ត៖ ស្ដាប់ចម្រៀង, មើលវីដេអូ, បង្កើតតន្ត្រី, បង្កើតគំនូវជីវចល…

ឌូឌូ ក៏បានបង្កើតឡើងឲ្យមានភាពងាយស្រួលដល់ឪពុកម្ដាយដែរ។ អ្នកអាចប្រើឌូឌូបានតាមរយៈ CD ឬ Flash ដោយមិនបាច់ដំឡើងនៅក្នុងម៉ាស៊ីនរបស់អ្នកឡើយ។ ម្យ៉ាងទៀតឌូឌូ ត្រូវបានដាក់ឲ្យទាញយកទៅប្រើដោយឥតគិតថ្លៃដែរ។ DoudouLinux មិនមាន malware ដូចជា មេរោគ, worm, trojan ឡើយ។ បើអ្នកចង់ទទួលបានព័ត៌មានបន្ថែមអំពី ឌូឌូលីនុច សូមចូលទៅកាន់ http://www.doudoulinux.org ។