បណ្ណសាររបស់គេហទំព័រ
ចាប់ពីឆ្នាំ 2011 ដល់ 2013
អត្ថបទដែលបានផ្សាយមានចំនួន 613
-
(81)
-
(2)
-
(51)
-
(307)
-
(93)
-
(25)
-
(8)
-
(117)
-
នៅថ្ងៃទី២ ខែវិច្ឆិកា ឆ្នាំ២០១៣ ខាងមុខនេះ, ក្រុម GDG (Google Developer Group) Phnom Penh បានរៀបចំព្រឹត្តិការណ៍ DevFest ជាលើកដំបូងនៅក្នុងទីក្រុងភ្នំពេញ នៅសាកលវិទ្យាល័យន័រតុន (ត្រើយម្ខាង) ចាប់ពីម៉ោង ៨ព្រឹក ដល់ ៦ល្ងាច។ តើ DevFest ជាអ្វី? DevFest ត្រូវបានបង្កើតឡើងកាលពីឆ្នាំ២០០៨ នៅសហរដ្ឋអាមេរិក ដោយក្រុមហ៊ុន Google Inc. ក្នុងគោលបំណងជួបជុំជាមួយនឹងអ្នកអភិវឌ្ឍក្នុងតំបន់ (Local Developer) និងអ្នកចូលចិត្តបច្ចេកវិទ្យា មកសិក្សា បង្រៀន បង្កើតទំនាក់ទំនង ជាមួយគ្នាទៅវិញទៅមក។ ព្រឹត្តិការណ៍នេះត្រូវបានផ្ដោតចម្បងលើបច្ចេកវិទ្យានានារបស់ Google មានដូចជា…
-
Mini BarCamp PP : ICT Business Conference
Mini BarCamp Phnom Penh ជាកម្មវិធីបន្ទាប់បន្សំមួយរបស់កម្មវិធី BarCamp Phnom Penh ដែលនឹងប្រារព្ធឡើងនៅថ្ងៃ១៩ – ២០ ខែតុលា ខាងមុខនេះ។ Mini BarCamp ត្រូវបានធ្វើឡើងក្រោមប្រធានបទមួយ ហើយមានវាគ្មិនពីស្ថាប័នពាក់ព័ន្ធនានា។ ថ្ងៃស្អែកនេះ នៅសាកលវិទ្យាល័យហ្សាម៉ាន់ Mini BarCamp PP នឹងធ្វើឡើងក្រោមប្រធានបទ “ICT Business Conference” ហើយមានវាគ្មិនចំនួនបួនរូបនឹងឡើងមកធ្វើការបង្ហាញ។ កម្មវិធីស្អែកនេះ នឹងធ្វើឡើងចាប់ពីម៉ោង ៨ព្រឹក ដល់ម៉ោង ១២ថ្ងៃត្រង់ ហើយមិនទាមទារឲ្យមានការចុះឈ្មោះឡើយ គឺចូលរួមបានដោយសេរី។ សម្រាប់ព័ត៌មានបន្ថែម សូមចូលទៅកាន់៖ http://2013.barcampphnompenh.org/mini-barcamp-3-zaman-university/
-
កម្មវិធីរៀនសរសេរអក្សរខ្មែរ នៅលើ iPhone
សន្ទុះនៃកំណើនកម្មវិធីដែលផលិតដោយក្រុមហ៊ុន ឬក្រុមនិស្សិតសម្រាប់ទូរស័ព្ទនិងកុំព្យូទ័រកំពុងរីកចម្រើនពីមួយថ្ងៃទៅមួយថ្ងៃ។ អ្នកប្រហែលជាធ្លាប់បានឮល្បែងកម្សាន្តមួយឈ្មោះ «អាស្វា» ផលិតដោយ អស្ចារ្យស្ទូឌីយ៉ូ ដែលទទួលបានការគាំទ្រយ៉ាងច្រើន ហើយក៏នៅមានកម្មវិធីជាច្រើនទៀតផងដែរ។ កាលពីម្សិលមិញនេះ មានកម្មវិធីសិក្សាមួយថ្មីទៀតត្រូវបានដាក់បញ្ចូលទៅក្នុង iTune App Store មានឈ្មោះថា «Write Khmer» ។ នេះជាកម្មវិធីបង្រៀនដូចជាការសរសេរអក្សរខ្មែរ ដោយភ្ជាប់មកជាមួយរូបភាពស្អាតៗទាក់ភ្នែក គួរឲ្យចាប់អារម្មណ៍។ កម្មវិធីនេះត្រូវបានរក្សាសិទ្ធិដោយក្រុមហ៊ុន BM Solution ។
-
ពុម្ពអក្សរចំនួនបី ក្នុងថ្ងៃតែមួយ!
ដើម្បីចូលរួមចំណែកធ្វើឲ្យអក្សរខ្មែរនៅលើប្រព័ន្ធឌីជីថលកាន់តែសំបូរបែប និងដើម្បីបម្រើទៅតាមតម្រូវការមួយចំនួនដូចជាការរចនារូបភាព សៀវភៅ … ខ្ញុំបានឆ្លៀតពេលមួយចំនួនដើម្បីធ្វើពុម្ពអក្សរតាមតែលទ្ធភាពអាចធ្វើទៅបាន។ ថ្ងៃនេះខ្ញុំបានកែសម្រួលនិងធ្វើរួចនូវពុម្ពអក្សរចំនួនបីមានដូចជា៖ **ចំណាំ៖ ដើម្បីទាញយកពុម្ពអក្សរ សូមចុចលើរូបភាពចូលទៅទំព័រទាញយក បន្ទាប់មកចុចលើពាក្យ File -> Download ១. ពុម្ពអក្សរ «បឹង» , កំណែ ១.២ បានកែសម្រួលតួអក្សរ៖ ឆ, រ, អ ឲ្យត្រង់ ទាញបាត ្រ ្យ ្ស ឲ្យវែង បន្ថែមគម្លាតពីអក្សរមួយទៅអក្សរមួយ ឲ្យធំជាងមុនបន្តិច ២. ពុម្ពអក្សរ «កន្ទុំរុយ» , កំណែ ១.១ ពុម្ពអក្សរនេះត្រូវបានបង្កើតឡើងជាបីទម្រង់៖ ស្ដើង ធម្មតា…
-
ពុម្ពអក្សរ «ជ្រុងធំ»
ថ្ងៃនេះខ្ញុំសុំនាំមកជូននូវពុម្ពអក្សរមួយមានឈ្មោះថា «ជ្រុងធំ» ដែលត្រូវបានធ្វើឡើងផ្អែកលើពុម្ពអក្សរ «គូលែន» ដូច្នេះហើយផ្នែកមួយចំនួននៃអក្សរនេះមានទ្រង់ទ្រាយដូចទៅនឹងអក្សរ «គូលែន» តែអក្សរមួយនេះជាលក្ខណៈជ្រុងៗវិញ ផ្ទុយពីអក្សរ «គូលែន» មានជ្រុងខ្លះ កោងខ្លះ។ ទាញយក
-
CSS3Ps: បំប្លែងវត្ថុពី Photoshop ទៅជា CSS3
CSS3Ps គឺជាកម្មវិធីបន្ថែមមួយសម្រាប់ប្រើនៅក្នុងកម្មវិធី Photoshop (ចាប់ពីជំនាន់ CS3 ដល់ CS6) ដែលមានតួនាទីសម្រាប់បំប្លែងវត្ថុ (ស្រទាប់ ឬ layer) ពីក្នុងកម្មវិធី Photoshop ទៅជាកូដ CSS3 ។ កម្មវិធីនេះអាចប្រព្រឹត្តិដំណើរការទៅបានដោយត្រូវភ្ជាប់ជាមួយនឹងអ៊ីនធឺណិត ព្រោះដំណើរការបំប្លែងត្រូវធ្វើនៅក្នុងបណ្ដាញ (cloud) ផ្ទាល់។ ដើម្បីទាញយកកម្មវិធីនេះ សូមចូលទៅកាន់៖ http://css3ps.com/Download/ បន្ទាប់ពីដំឡើងកម្មវិធីបន្ថែមនេះរួចហើយ សូមបើកកម្មវិធី Photoshop រួចចុចលើ Window -> Extensions -> CSS3Ps សូមរើសយកស្រទាប់មួយឬច្រើនក្នុង Photoshop បន្ទាប់មកចុចលើ CSS3Ps លទ្ធផលដែលទទួលបាន ខាងក្រោមនេះគឺជាចំណុចដែល CSS3Ps ស្គាល់ឬអាចបំប្លែងបាន…
-
ឯកសារបន្តិចបន្តួចអំពីការបង្កើតពុម្ពអក្សរយូនីកូដខ្មែរ
ទាញយក នេះជាអត្ថបទបទបង្ហាញមួយដែលខ្ញុំធ្លាប់លើកយកទៅបង្ហាញនៅក្នុងកម្មវិធីព្រឹត្តិការណ៍បើកទូលាយ (រៀបចំដោយក្រុម ចែកគ្នានិយាយអាយធី) លើកទី១ ស្ថិតនៅសាកលវិទ្យាល័យហ្សាម៉ាន់។ វាពុំមានអ្វីលម្អិតនោះឡើយ ព្រោះខ្ញុំរៀបចំវាជាចំណុចខ្លីៗ។ កាលនោះក៏ពុំបានថតជាសំឡេងឬវីដេអូអ្វីទុកដែរ ព្រោះពុំបានរៀបចំ។ ខ្ញុំចង់ចំណាយពេលដើម្បីធ្វើអ្វីជាច្រើន ក៏ប៉ុន្តែដោយសារពេលវេលាមិនសូវមាន ដូច្នេះជាផលលំបាកសម្រាប់ខ្ញុំ។ ប្រសិនបើមានចម្ងល់អ្វីអំពីការបង្កើតពុម្ពអក្សរយូនីកូដខ្មែរ អាចដាក់មតិនៅក្រោមអត្ថបទនេះ ខ្ញុំនឹងព្យាយាមឆ្លើយតបតាមតែអាចធ្វើទៅបាន។ 🙂
-
ផែនទី Google ថ្មី
នៅក្នុងព្រឹត្តិការណ៍ Google I/O ជារៀងរាល់ឆ្នាំ ក្រុមហ៊ុន Google តែងតែផ្សព្វផ្សាយនិងបង្ហាញពីអ្វីដែលថ្មីៗទាក់ទងទៅនឹងផលិតផលរបស់ខ្លួនដែលកំពុងអភិវឌ្ឍ។ នៅក្នុងឆ្នាំនេះផងដែរ ផែនទី Google ត្រូវបានដាក់ប្រកាសជាផ្លូវការអំពីការរចនាទ្រង់ទ្រាយថ្មី និងលក្ខណៈពិសេសថ្មីៗជាច្រើនទៀតដែលពិតជាប្លែកនិងមានភាពប្រសើរជាងមុនទៅទៀត។ ការរចនាទ្រង់ទ្រាយថ្មី ផ្ដល់នូវភាពទាក់ទាញជាងមុន ព្រមទាំងការបង្ហាញលទ្ធផលកាន់តែល្អជាងមុន ហើយការស្វែងរកក៏កាន់តែងាយស្រួលជាងមុនថែមទៀត ម្យ៉ាងវិញទៀតនោះ ផែនទីមានទំហំពេញអេក្រង់កុំព្យូទ័រ។ កាតព័ត៌មាន (Info Card) នៅពេលដែលអ្នកចុចលើចំណុចទីកន្លែងណាមួយ នោះកាតព័ត៌មានដែលបង្ហាញលម្អិតអំពីទីកន្លែងនោះនឹងលេចឡើងនៅពីក្រោមប្រអប់ស្វែងរក។ លក្ខណៈថ្មីៗដទៃទៀត នៅពេលដែលអ្នកចុចទីតាំងណាមួយនៅលើផែនទី នោះកាតព័ត៌មាននឹងបង្ហាញនៅខាងក្រោមប្រអប់ស្វែងរក ដែលក្នុងនោះមានបង្ហាញឈ្មោះទីតាំងកន្លែងនោះ, ភ្ជាប់ទិសដៅ ឬក៏ចូលទៅកាន់ Street View ។ Earth View ជាលក្ខណៈពិសេសថ្មីមួយបន្ថែមទៀត ដែលត្រូវបានអភិវឌ្ឍកាន់តែប្រសើរនៅក្នុងផែនទី Google ។ Earth View…
-
ពុម្ពអក្សរខ្មែរឈ្មោះ «បឹង»
នេះគឺជាពុម្ពអក្សរខ្មែរថ្មីមួយដែលខ្ញុំទើបនឹងធ្វើរួចក្នុងពេលថ្មីៗនេះ។ ពុម្ពអក្សរនេះជាប្រភេទយូនីកូដ ដែលមានឈ្មោះថា «បឹង» ហើយមានបញ្ចូលអក្សរអង់គ្លេសជាស្រេច។ អក្សរអង់គ្លេសដែលមានក្នុងពុម្ពអក្សរនេះមានឈ្មោះថា Didact Gothic រចនាដោយលោក Daniel Johnson ដែលមានដាក់ឲ្យប្រើនៅក្នុង Google Fonts ក្រោមអាជ្ញាបណ្ណ OFL (Open Font License) ។ ***បានធ្វើកំណែប្រែ៖ សូមចូលអាននៅទីនេះ! ប្រសិនបើអ្នកបានប្រើទៅ ហើយជួបប្រទះនឹងបញ្ហាណាមួយ សូមមេត្តារាយការណ៍មកកាន់ខ្ញុំវិញ។ អរគុណ! ពុម្ពអក្សរខ្មែរ «បឹង» ស្ថិតនៅក្រោមអាជ្ញាបណ្ណ OFL
-
Ubuntu 13.04 ដាក់ឲ្យទាញយកហើយ
ប្រហែលជាអ្នកទាំងអស់គ្នាបានដឹងរួចមកហើយថា Ubuntu តែងតែអភិវឌ្ឍជំនាន់ថ្មីៗនៃប្រព័ន្ធប្រត្តិការរបស់ខ្លួននិងចេញឲ្យប្រើជាផ្លូវការក្នុងមួយឆ្នាំ២ដង គឺនៅខែមេសា និងខែតុលា។ កាលពីសប្ដាហ៍មុននេះ Ubuntu បានដាក់ចេញជំនាន់ថ្មីរបស់ខ្លួនគឺ 13.04 ដែលភ្ជាប់មកជាមួយមុខងារថ្មីៗនិងការកែសម្រួលមួយចំនួនធំទៀត។ បម្លាស់ប្ដូរនៅក្នុងជំនាន់ 13.04 ៖ Unity Desktop លឿនជាងមុន ផ្ទាំង Social Lens ថ្មី ម៉ឺនុយ Sync ថ្មី បានបន្ទាន់សម័យលើកម្មវិធីដែលភ្ជាប់មកជាមួយ (LibreOffice, កម្មវិធីគ្រប់គ្រងឯកសារ …) Linux Kernel 3.8.8 [OMG! Ubuntu] ប្រសិនបើអ្នកចុចទស្សនាវីដេអូខាងក្រោមនេះ អ្នកនឹងបានឃើញអំពីការផ្លាស់ប្ដូរផ្សេងៗទៀត ដែលត្រូវបានដាក់បញ្ចូលនៅក្នុង Ubuntu 13.04 ដែលទើបតែចេញនាពេលថ្មីៗនេះ។ [youtube http://www.youtube.com/watch?v=fH2VHiIW_dE&w=600…
-
រួមគ្នាជួយឲ្យ Google Translate ភាសាខ្មែរប្រសើរឡើង
ដោយសារតែ Google ទើបចេញកំណែ Alpha ដូច្នេះកំហុសនៅមានច្រើន។ ការបកប្រែស្វ័យប្រវត្តិវាមិនអាចត្រឹមត្រូវទាំងស្រុងនោះឡើយ មិនថានៅភាសាណាក៏គង់តែមានកំហុស។ ដូច្នេះសូមមេត្តាកុំបណ្ដុះបង្អាប់ ឬតិះដៀលរិះគន់លក្ខណៈអវិជ្ជមានឡើយ សូមមេត្តាប្រើវិធីពីរដែលមានដូចខាងក្រោម ដើម្បីជួយសម្រួលឲ្យ Google Translate អាចធ្វើឲ្យការបកប្រែកាន់តែមានភាពល្អប្រសើរឡើងវិញ។ ១. ការបកប្រែបន្ថែម (Alternative Translations)៖ Google Translate នឹងធ្វើការសិក្សាស្វែងយល់អំពីការបកប្រែរបស់យើងដែលបានធ្វើក្រៅបន្ថែមនេះ ដើម្បីអភិវឌ្ឍការបកប្រែពាក្យ ឃ្លា អត្ថបទបានល្អជាងមុន។ ២. ការវាយតម្លៃ៖ http://ow.ly/i/1Vn1r (ដោយ៖ ពពក) ដូច្នេះខ្ញុំសង្ឃឹមថាយើងនឹងចូលរួមទាំងអស់គ្នាដើម្បីឲ្យការបកប្រែកាន់តែប្រសើរឡើងសម្រាប់ពេលអនាគតនេះ។ 🙂
-
ជយោ! ភាសាខ្មែរមានក្នុងកម្មវិធី Google Translate ហើយ
ព័ត៌មានចេញកាលពីខែមុននៅតាមបណ្ដាសារព័ត៌មាននានាបានបញ្ជាក់ថា ភាសាខ្មែរនឹងមានក្នុងកម្មវិធីបកប្រែ Google Translate នៅក្នុងឆ្នាំនេះ។ ព័ត៌មានមួយនេះធ្វើឲ្យខ្ញុំមិនអស់ចិត្តសោះ នៅតែចង់ដឹងចង់ឃើញពីដំណើរការធ្វើនិងការចេញផ្សាយ។ តែនៅពេលនេះការរង់ចាំរបស់យើងទាំងអស់គ្នាបានចេញជាលទ្ធផលហើយ គឺនៅពេលនេះ Google Translate បានបញ្ចូលភាសាខ្មែរទៅក្នុងកម្មវិធីរបស់គេហើយ ក៏ប៉ុន្តែស្ថិតនៅក្នុងកំណែ Alpha ដំបូងប៉ុណ្ណោះ គឺការបកប្រែមិនទាន់ត្រឹមត្រូវច្រើនឡើយ ក៏ប៉ុន្តែយើងក៏អាចចូលរួមឲ្យការបកប្រែនេះល្អថែមទៀតដែរ ដោយធ្វើការវាយតម្លៃទៅលើការបកប្រែនិមួយៗ។ វាពិតជាមានមោទនភាពណាស់សម្រាប់ភាសាជាតិរបស់យើង ដែលនៅពេលនេះកំពុងបង្ហាញមុខជាអន្តរជាតិ។ គ្រាន់តែខ្ញុំដឹងពីដំណឹងនេះភ្លាម ខ្ញុំសែនសប្បាយចិត្តណាស់ ព្រោះខ្ញុំក៏ដូចអ្នកទាំងអស់គ្នាបានរង់ចាំអស់រយៈពេលយូរឆ្នាំមកហើយ។ ព័ត៌មានបន្ថែម៖ –-ប្លក់ផ្លូវការរបស់ Google Translate ៖ ហេតុផលពីរដែលលំបាកនៅក្នុងដំណើរការបកប្រែភាសាខ្មែរគឺ ភាសាខ្មែរនៅលើអ៊ីនធឺណិតនៅមានតិច (ដូច្នេះយើងគួរនាំគ្នាសរសេរភាសាខ្មែរឲ្យច្រើន) ការសរសេរពាក្យជាទូទៅមិនត្រូវបានប្រើដកឃ្លា (ព្រោះភាសាខ្មែរយើងសរសេរជាប់ៗគ្នា មិនមែនដកឃ្លាគ្រប់ពាក្យដូចអង់គ្លេសនោះឡើយ) Google នឹងព្យាយាមធ្វើឲ្យភាសាខ្មែរកាន់តែប្រសើរឡើងនៅពេលខាងមុខ។ ម្យ៉ាងវិញទៀតក្បួនដោះស្រាយ (បកប្រែពាក្យ វេយ្យាករណ៍ ការរៀបចំពាក្យ)…
-
បង្កើតម៉ឺនុយធ្លាក់ដោយប្រើ CSS3
ការបង្កើតម៉ឺនុយធ្លាក់ (Dropdown Menu) អាចធ្វើបានតាមវិធីផ្សេងៗពីគ្នាដូចជាការប្រើ JavaScript និង CSS3 ជាដើម។ នៅក្នុងវីដេអូខាងក្រោមនេះមានរយៈពេល៤០នាទី ដែលរៀបចំដោយ Christian មកពី 1stwebdesigner ដោយមានលម្អិតទៅលើចំណុចនិមួយៗ។ សម្រាប់អ្នកចង់ចេះ ឬក៏ទើបចាប់ផ្ដើមរៀនបង្កើតវែបសាយ អ្នកអាចវីដេអូនេះទុកជាមេរៀនបាន។ [youtube http://www.youtube.com/watch?v=qdEBrz3TUWU&w=500 ]
-
តើគួរបង្កើតគេហទំព័រដោយប្រើ Responsive Layout ដែរឬទេ?
ក្នុងរយៈពេលប៉ុន្មានឆ្នាំកន្លងមកនេះ ការប្រើប្រាស់ទ្រង់ទ្រាយ Responsive ក្នុងការរចនាគេហទំព័រមានការរីកសុះសាយយ៉ាងលឿនជាទីបំផុត។ បច្ចេកវិទ្យាចេះតែទំនើបពីមួយថ្ងៃទៅមួយថ្ងៃ ដូច្នេះយើងក៏ត្រូវតាមឲ្យទាន់វាដែរ។ Responsive គឺជាប្រភេទទ្រង់ទ្រាយដែលគ្រប់គ្រងលើទំហំអេក្រង់នៃឧបករណ៍និមួយៗ មានន័យថាពេលដែលបើកគេហទំព័រក្នុងទូរស័ព្ទ, កុំព្យូទ័របន្ទះ, កុំព្យូទ័រ… វានឹងពង្រីកបង្រួមទ្រង់ទ្រាយគេហទំព័រឲ្យសមទៅនឹងទំហំអេក្រង់នៃឧបករណ៍ទាំងនោះ ដោយមិនចាំបាច់ត្រូវមានអ្វីជាជំនួយបន្ថែមទៀតឡើយ។ វាអាចធ្វើទៅបានតាមរយៈ CSS ដោយប្រើលក្ខណៈថ្មីមួយគឺ @media query ។ កាលពីមុន ដើម្បីបង្កើតទំព័រសម្រាប់ទូរស័ព្ទគេនិយមបង្កើតនូវ sub domain ថ្មីមួយបន្ទាប់មកសរសេរកូដថ្មីឬរចនារូបរាងថ្មីរបស់វា ដែលការធ្វើបែបនេះអាចនឹងចំណាយពេលច្រើន។ ក៏ប៉ុន្តែចំពោះការប្រើ Responsive នេះវិញ គឺវាជួយឲ្យទ្រង់ទ្រាយវែបសាយយើងផ្លាស់ប្ដូរទៅតាមទំហំនៃឧបករណ៍និមួយៗបានយ៉ាងល្អ។ ការបង្កើតគេហទំព័រប្រើទ្រង់ទ្រាយ Responsive មានពីរជម្រើសដែលអ្នកគួរពិចារណា៖ សរសេរ CSS ដោយខ្លួនឯង ប្រើ CSS Framework កាលពីពេលមុននោះខ្ញុំធ្លាប់បានសរសេរអត្ថបទមួយទាក់ទងនឹង CSS…
-
Google Reader នឹងត្រូវបិទនៅខែកក្កដាខាងមុខនេះ
Google Reader គឺជាសេវាកម្មមួយរបស់ Google ផ្ដល់ភាពងាយស្រួលដល់អ្នកប្រើប្រាស់ទាំងឡាយ ក្នុងការតាមដានព័ត៌មានពីគេហទំព័រនានា (RSS Feed reader) ។ ក៏ប៉ុន្តែកាលពីម្សិលមិញនេះ Google បានចេញសេចក្ដីប្រកាសក្នុងដំណើរប្រតិបត្តិការណ៍ Spring of Cleaning លើកទី២ ដែលត្រូវធ្វើឡើងក្នុងគោលបំណងដកចេញនូវសេវាកម្មមួយចំនួន ហើយក្នុងនោះក៏មានរាប់បញ្ចូលទាំង Google Reader ផងដែរ។ សេវាកម្មមួយនេះនឹងត្រូវបិទជាស្ថាបពរនៅថ្ងៃទី១ ខែកក្កដា ឆ្នាំ២០១៣ គឺនៅសល់រយៈពេលប្រហែល៣ខែទៀតតែប៉ុណ្ណោះ។ Google ក៏បានអនុញ្ញាតឲ្យអ្នកប្រើប្រាស់ អាចយកទិន្នន័យរបស់ខ្លួនចេញពី Google Reader តាមរយៈ Google Takeout ។ គួរបញ្ជាក់ផងដែរថា Google Reader ត្រូវបានចាប់ផ្ដើមដំណើរការដំបូងនៅក្នុងឆ្នាំ២០០៥។
-
CSS Framework ចំនួន៥សម្រាប់ការរចនាគេហទំព័រ
ក្នុងពេលបច្ចុប្បន្ននេះការប្រើប្រាស់ Framework កំពុងតែទទួលការពេញនិយម ដោយហេតុតែវាជម្រុញឲ្យការអភិវឌ្ឍកម្មវិធីមានភាពលឿនរហ័សជាងរាល់ដង។ CSS ដែលជាកូដសម្រាប់រចនាទៅលើផ្ទៃទំព័រគេហទំព័រក៏ត្រូវគេបង្កើតឲ្យមានជា Framework ផងដែរ ដែលជួយសម្រួលដល់អ្នករចនាគេហទំព័រឲ្យកាន់តែមានភាពងាយស្រួលក្នុងការងាររចនារបស់ខ្លួន ទាំងទ្រង់ទ្រាយ ទំហំ គម្លាតនិងផ្សេងៗទៀត។ ថ្ងៃនេះខ្ញុំសុំបង្ហាញនូវ framework ចំនួន៥ដែលផ្ដល់ភាពងាយស្រួលព្រមទាំងប្រកបទៅដោយលក្ខណៈសំបូរបែប។ ១. Twitter Bootstrap Twitter បានបង្កើតគម្រោងបើកទូលាយមួយមានឈ្មោះថា Bootstrap ។ នៅក្នុង Bootstrap ផ្ដល់ឲ្យអ្នកនូវលក្ខណៈពិសេសដូចជាស្ទីលរបស់ប៊ូតុង បែបបទ មឺនុយ តារាង ទ្រង់ទ្រាយទំព័រ (Grid, Responsive និង Fluid) និងផ្សេងៗជាច្រើនទៀត ដែលជួយឲ្យការរចនាមានភាពលឿនរហ័ស។ បច្ចុប្បន្ននេះ Twitter Bootstrap ទទួលបានការពេញនិយមយ៉ាងច្រើន។ ២.…
-
សទ្ទានុក្រមពាក្យកុំព្យូទ័រ អង់គ្លេស-ខ្មែរ សម្រាប់ WP, Android និង iOS
តាមការផ្សាយអត្ថបទមួយនៅក្នុងប្លក់ KhmerType របស់លោកដាញ់ ហុង (អ្នកជំនាញធ្វើពុម្ពអក្សរខ្មែរយូនីកូដ) បានឲ្យដឹងថា កម្មវិធីសទ្ទានុក្រមពាក្យកុំព្យូទ័រ អង់គ្លេស-ខ្មែរ សម្រាប់ Windows Phone នឹងដាក់ឲ្យទាញយកនៅពេលឆាប់ៗខាងមុខនេះ។ តែលោកក៏បានបញ្ជាក់ផងដែរថាកំណែសម្រាប់ iOS និង Android កំពុងស្ថិតនៅក្នុងការស្ថាបនាហើយក៏នឹងចេញតាមក្រោយដែរ។ កម្មវិធីសទ្ទានុក្រមមួយនេះ នឹងជួយឲ្យអ្នកងាយស្រួលក្នុងការបកប្រែពាក្យបច្ចេកទេសកុំព្យូទ័រជាភាសាអង់គ្លេស ទៅជាភាសាខ្មែរបានយ៉ាងងាយស្រួល ហើយនេះក៏ជាចំណែកមួយក្នុងការលើកកម្ពស់អក្សរនិងភាសាខ្មែរនៅក្នុងផ្នែកបច្ចេកវិទ្យាព័ត៌មាននាពេលបច្ចុប្បន្ននេះ។
-
Snapseed – កម្មវិធីកែរូបថតបានយ៉ាងល្អនិងងាយស្រួល នៅលើ Android
កម្មវិធីកែរូបភាពជាច្រើនបាននិងកំពុងចរាចរនៅក្នុងទីប្រជុំកម្មវិធី Android ។ Camera 360, PicsArt និង Photowonder សុទ្ធតែជាកម្មវិធីដែលមានប្រជាប្រិយភាពយ៉ាងខ្លាំងនៅក្នុងពិភព Android ក្នុងមុខងារកែច្នៃរូបថត។ តែនៅពេលនេះ កម្មវិធី Snapseed ក៏មានវត្តមានដែរ។ Snapseed មានរូបរាងសាមញ្ញ ងាយប្រើប្រាស់ ហើយប្រកបទៅដោយឧបករណ៍កែរូបថតបានយ៉ាងល្អ។ លក្ខណៈពិសេសដែល Snapseed អាចធ្វើបានមានដូចជា៖ កែសម្រួលដោយស្វ័យប្រវត្តិ Selective Adjust Tune Image តម្រង់រូបភាព ច្រឹបរូប Details ស និង ខ្មៅ Vintage Drama Grunge Center Focus ដាក់ស៊ុម Tilt-Shift…
-
បង្កើតរូបភាពស្លាយ 3D ជាមួយ Slicebox
ជាទូទៅដើម្បីឲ្យគេហទំព័រមានភាពទាក់ទាញ អ្នករចនានិងអ្នកស្ថាបនាតែងតែព្យាយាមគិតយ៉ាងច្រើន ជាពិសេសគឺពណ៌ ប្លង់គេហទំព័រ ខ្នាតនិងវត្ថុបន្ថែមផ្សេងៗទៀត។ ហើយសព្វថ្ងៃនេះ Image Slider មានភាពពេញនិយមច្រើនដែរ ដោយគេប្រើវាសម្រាប់ទំព័រដំបូងនៃគេហទំព័រឬក៏នៅខាងក្បាលទំព័រ។ មាន Image Slider ជាច្រើនត្រូវបានកើតឡើង តែនៅពេលនេះខ្ញុំសុំជូននូវ Image Slider មួយដែលមានភាពទាក់ទាញជាខ្លាំង ដោយវាមានរចនាជា 3D (CSS3 + JavaScript) និងមានច្រើនម៉ូដ។ មើលគំរូ | អត្ថបទដើមនិងទាញយក | គម្រោងនេះនៅក្នុង Github
-
តោះ! ចូលរួមកម្មវិធី BarCamp Phnom Penh 2012 ទាំងអស់គ្នា!
ឆ្នាំជាការធ្វើកម្មវិធី BarCamp ភ្នំពេញ លើកទី៥ ចាប់តាំងពីពេលចាប់ផ្ដើមមក។ ព្រឹត្តិការណ៍នេះត្រូវបានប្រារព្ធឡើងជារៀងរាល់ឆ្នាំចំនួនពីរថ្ងៃ នៅក្នុងទីក្រុងភ្នំពេញ ហើយមានការឧបត្តម្ភនិងគាំទ្រយ៉ាងខ្លាំងពីសំណាក់ក្រុមហ៊ុននានានិងប្រជាជនជាច្រើន។ នៅឆ្នាំនេះ BarCamp ភ្នំពេញ លើកទី៥ នឹងប្រារព្ធធ្វើឡើងនៅសាកលវិទ្យាល័យពុទ្ធិសាស្ត្រ ចាប់ពីថ្ងៃទី២២ ដល់ ២៣ តាំងពីព្រឹកដល់ល្ងាច កម្មវិធីនេះត្រូវបានបង្កើតឡើងក្នុងគោលបំណងឲ្យមនុស្សទាំងឡាយអាចបង្កើតបណ្ដាញទំនាក់ទំនង, ចែករំលែកបទពិសោធន៍ក្នុងជំនាញផ្សេងៗដូចជា កុំព្យូទ័រ, សហគ្រិន, ជំនួញ និងផ្សេងៗទៀតតាមតែអ្នកដែលចូលរួមទាំងនោះចង់ចែករំលែក។ BarCamp Phnom Penh គឺជាព្រឹត្តិការណ៍ជួបជុំគ្នារយៈពេល២ថ្ងៃ ដើម្បីចែករំលែក ចំណេះដឹង និងបទពិសោធន៍ផ្សេងៗ ដែលទាក់ទងទៅនឹង បច្ចេកវិទ្យា មធ្យោបាយទំនាក់ទំនង និងគំនិតច្នៃប្រឌិតថ្មីៗ។ ការជួបជុំគ្នានេះប្រមូលផ្ដុំទៅដោយ អ្នកជំនាញកុំព្យូទ័រ អ្នកធុរកិច្ចលើវិស័យបច្ចេកវិទ្យាព័ត៌មានវិទ្យា អ្នកអភិវឌ្ឍន៍វិបសាយ និងកម្មវិធីកុំព្យូទ័រ អ្នកគ្រប់គ្រងសន្តិសុខព័ត៌មានវិទ្យា…